सुगुप अब नेपालीमा पनि,आउँदो जुलाई १३ अमेरिकाबाट प्रदर्शन हुने

   • राजेन्द्र केरुङ

२५ असार,काठमाडौं

चौथोँ नेपाल आदिवासी जनजाति चलचित्र महोत्सव ०८१ मा  को विभिन्न बिधामा ४ वटा अवार्ड जित्न सफल लिम्बू कथानक चलचित्र  ‘सुगुप‘ अब नेपाली भाषामा पनि हेर्न पाईने भएको छ।

उपत्यका लगायत पुर्वका बिभिन्न शहरहरुमा भब्य प्रदर्शन भई अत्यधिक दर्शकहरुको माया पाएको सुगुप को गित सहित सबै सम्बाद हरुलाई नेपाली भाषामा डबिङ गरिएको हो।

फक्ताङ्लुङ इन्टरटेन्मेन्ट प्रालिको आफ्नै युटुब च्यानलबाट लिम्बु भाषामा रहेको चलचित्र ‘सुगुप’लाई नेपाली भाषाको टेलर सार्बजनिक गरेको छ ।

सिसेक्पा तङ्नामको अवसरमा किरात याक्थुङ चुम्लुङ अमेरिकाको आयोजनामा आउँदो जुलाई १३ तारिख शनिबार को दिन  केवासी टेक्ससमा नेपाली भाषाको पहिलो प्रीमीयर शो गरिने चलचित्रका मुख्य निर्माता,प्रस्तुतकर्ता रबिन कुमार नाल्बोले बताउनु भयो।

प्रस्तुतकर्ता नाल्बो का अनुसार  त्यसपछि क्रमश  कोरिया, बेलायत, जापान, दुबाई, मलेसिया, इजरायल लगायतका देशमा ‘सुगुप’ चलचित्र प्रदर्शनमा ल्याईनेछ।

गैर लिम्बू भाषिक दर्शक हरुलाई समेत लक्षित गरेर नेपाली भाषामा पनि अनुवाद गर्नुपरेकोले कुनै सम्झौता नगरी लगानी गरिएको नाल्बोको भनाई छ।

चलचित्रमा शैलेन्द्र कुमार नाल्बो, दिलमायाँ लाबुङ नाल्बो, एल.पी. साँवा लिम्बु, मनिषा सुब्बा नाल्बो, श्रीप्रसाद माबोको पनि लगानी रहेको छ ।

एक बियोगान्त कथा बोकेको सुगुप भित्र बैबाहिक संस्कार ,रितिथिती,गरीबी भित्रको पिडालाई सामाजिक समस्याको रुपमा देखाईएको छ।

गर्भावस्थाको बेला बिजुवा फेदाङ्मा हरु बाट बिशेष मुन्धुम द्वारा आमा र बच्चाको स्वास्थ्य लाभको निम्ति उनै प्रकृति,खोलानाला,देबिदेउराली , माङ हरु सङ्ग बल आशीर्वाद माग्ने परम्परा र धार्मिक बिश्वास रहिआएको छ।

यस्तो पुजा आराधना गर्दा र नगर्दा हुने असर र  यस्ले निम्त्याउन सक्ने दुर्घटना लाई छर्लङ्ग रुपमा देखाईएको छ।

पुर्व नेपाल ताप्लेजुङको रमणिय स्थलहरु नाल्बू र साँबा ,याङ्वरक पाँचथर, तेह्रथुम, काठमाडौं, मकवानपुरको कुलेखानीको पर्यटकीय स्थल सहित भारतको आसाममा छायाङ्कन गरिएको चलचित्रको कथा,निर्माता,निर्देशन लोकेन साँबा लिम्बुले गरेका हुन।

चलचित्र सुगुपमा प्रेम सुब्बा, यासेली योङहाङ, मौसम ईम्बुङ लिम्बू, (फेलेन्देको बाउ), बबीता नेयोङहाङ,  सुम्नीमा खापुङ, डम्बरकुमारी, पयाङगो मेन्याङबो, योमन सोदेम्बा, सागर केरुङ, रुकमान लिम्बू, निता लिम्बू, पन्ना आङबो, एम के योङहाङ, तीर्थ मादेम्बा, उदय बेघा, लिला सेत्लिङ माबो, ईन्द्र पंधाक, युवराज ईश्बो, थानाहाङ तिगेला शैलेन्द्र कुमार नाल्बो, रबिन इन्द्र सेर्पा लगायत कलाकारहरुको अभिनय रहेको छ ।

यासेली योङहाङ, जानु काम्बाङ, सागर केरुङ रिता फोम्बो ठुलि को उत्कृष्ट शब्द हरुमा अशोक लोहोरुङ राई ले मीठो संगित भर्नुभएको छ।

राजेश पायल राई, अञ्जु पन्त, सुनिता थेगिम, रुकमान लिम्बु, मनु नेम्वाङ, सुमन लिम्बु लगायतको मीठो स्वरमा पालाम,गितहरु सुन्न पाईन्छ।

राजेशपायल राई र अन्जु पन्तको स्वरमा सजिएको “लुङमा फङनु आदाङ्बे आतान केबेक्पे” बोलको गितले थप उचाई सगैँ हरेक दर्शकको हृदयलाई पगालेको छ।

हरेक दु:खद क्लाईमेक्समा आउने गायिका मनु नेम्बाङको हाम्लाक्वा धुन ले अझ दर्शक सबैको आँखा रसाउन बाध्य बनाउँछ।

देवेन्द्र खापुङ को पट कथा रहेको फिल्मलाई  युवराज राई (वीरबहादुर), ले छायांकन गरेका हुन।सम्पादनः विपिन मल्ल, कलरिष्टः रेनिस फागो साउण्ड सुनयमान श्रेष्ठको रहेको छ।

सुगुपमा नृत्य निर्देशकः कमल राई, द्वन्द निर्देशनः किशोर सम्बाहाङ्फे, कला निर्देशन निश्चल कुलुङ राई, मेकअपः विजय लामा, सञ्जु थलङ को रहेको छ,

भेषभुषा युनिक क्रीयसन लिम्बु–नेपाली सबटाईटलः डि.बि.आङबुङ, पब्लिसिटी डिजाईनरः टौवा क्रिएशन, सुदामा डिजाईनिङ, अंग्रेजी सबटाईटलः गौतमराज खड्काको रहेको छ ।