सशस्त्र प्रहरीले बेवारिसे अवस्थामा दुई नाल भरुवा बन्दुकसहित अक्सिजन सिलिन्डर बरामद गरेको छ। सशस्त्र प्रहरी बल नेपाल बोर्डर आउट पोष्ट कोइलाबास नाकाका सशस्त्र प्रहरी निरिक्षक माधवप्रसाद ढुङ्गेलको कमान्डमा सोमबार खटिएको गस्ती टोलीले गढवा गाउँपालिका वडा नम्बर ८ दुर्गा सामुदायिक वनबाट बेवारिसे अवस्थामा दुई नाल अवैध भरुवा बन्दुक बरामद गरेर नियन्त्रणमा लिएको हो ।
दुई नाल भरुवा बन्दुकसहित अक्सिजन सिलिन्डर बरामद जिल्ला प्रहरी कार्यालय दाङका एसपी गणेश चन्दले जानकारी दिए । उनका अनुसार भरुवा बन्दुक बरामद गरि थप आवश्यक कार्वाहीको लागि दाङको इलाका प्रहरी कार्यालय गढवालाई बुझाइएको छ ।
सो अवैध हातहतियार थप आवश्यक कार्वाहीको लागि इलाका प्रहरी कार्यालय गढवालाई बुझाएको सशस्त्र प्रहरी बल नेपाल बोर्डर आउट पोष्ट कोइलाबास नाकाका सशस्त्र प्रहरी निरिक्षक माधवप्रसाद ढुङ्गेलले जानकारी दिए । यस्तै भारतसँग जोडिएको दाङको कोइलाबास नाकाबाट अवैध रूपमा तस्करी हुन लागेको दुई थान अक्सिजन सहितको सिलिन्डर बरामद गरि थप आवश्यक कार्वाहीको लागि २९ नम्बर गण भालुबाङ्लाई बुझाएको छ ।
