राष्ट्रपतिको निजी निवासमा आगजनी

काठमाडौं, राष्ट्रपतिको निजी निवासमा आगजनी भएको छ। राष्ट्रपतिको बोहराटारस्थित निजी निवासमा तोडफोड गर्नुका साथै प्रदर्शनकारीले आगजनी गरका हुन्। जेनजी पुस्ताको प्रदर्शनका क्रममा मंगलबार राष्ट्रपति रामचन्द्र पौडेलको निजी निवासमा आगजनी गरिएको छ ।

राष्ट्रपति पौडेलको बनस्थली बोहोराटारमा रहेको घरमा आगजनी गरिएको हो । प्रदर्शनकारी नाराबाजी गर्दै राष्ट्रपति पौडेलको निजी निवासमा पुगेपछि त्यहाँ सुरक्षार्थ तैनाथ प्रहरीहरूसमेत भागेका छन् । प्रदर्शनकारीले घरभित्रबाट फर्निचर लगायतका सामान बाहिर ल्याएर तोडफोड गरेका छन् । अहिले घर बाहिर फर्निचरमा लगाएको आगो घर भित्रसम्म फैलिने खतरा बढेको छ ।